Asftel7b

الصداقة

2008-08-01T12:20:00.000-07:00

قال الشافعى
اذا المرء لا يلقاك الأ تكلفا ... فدعه ولا تكثر عليه التأسفا

ففي الناس أبدال وفي الترك راحة ... وفي القلب صبرللحبيب ولو جفا

فما كل من تهواه يهواك قلبه ... ولا كل من صافيته لك قد صــــفا

اذا لم يكن صفو الوداد طبيعةً ... فلا خير في خل يجئ تكلفــــــا

ولا خير في خل يخون خليله ... ويلقاه من بعد المودة بالجفــــا

ويــنكر عيشا تقــادم عهده ... ويظهر سراً كان بالأمس قد خـــفا

سلام علي الدنيا اذا لم يكن بها ... صديق صدوق صادق الوعد منصفــــا

بصراحه مش لاقيت احلى من كلام الإمام الشافعى ابدء به موضوعى النهارده وهو الصداقه .مش عارفه انا ليه مركزه على الموضوع ده شويه الأيام دى جايز عشان عندى شويه خلافات وتشتت فى مفهوم الصداقه وليه الناس بتتعامل كده مع بعض .ما هو لو الناس بتحب بعض اكيد مش هتحصل خلافات وهنبقى كويسين مع بعض .بس برضو مش تنكروا معايا انى اسمى شىء فى الدنيا هى الصداقه عمرك ما تقدر تعيش لوحدك من غير اصحاب.ما تنكروش انكم مثلا لو حسيتم بالوحده بيبقى بسبب انك زعلان مع صديقك او صدقتك.

طيب تعالوا نعرف الصداقه او الصديق الحقيقى اللى كل واحد فينا نفسه يلاقيه بجد

فتلك بعض الصفات التى اتمنى ان الاقيها فى صديقتى

هو الصديق الذي تكون معه , كما تكون وحدك أي هو الإنسان الذي تعتبره بمثابة النفس

هو الذي يؤثرك على نفسه و يتمنى لك الخير دائما

هو الذي ينصحك إذا رأى عيبك و يشجعك إذا رأى منك الخيرويعينك على العمل الصالح

هو الذي يدعي لك بظهر الغيب دون أن تطلب منه ذلك

هو الذي يحبك بالله و في الله دون مصلحة مادية أو معنوية

هو الذي يفيدك بعمله و صلاحه و أدبه و أخلاقه

هو الذي يفرح إذا احتجت أليه و يسرع لخدمتك دون مقابل

هو الذي يتمنى لك ما يتمنى لنفسه

الصديق دائماً يخبرك بهذه العبارات: "لا تمشي أمامى ... لأننى لن اتبعك لا تمشي خلفى ... لأننى لن أقودك ... وإنما امشي بجوارى وكن صديقى فقط".

الصداقة شئ هش وتحتاج إلي تعامل من نوع خاص مثلها مثل ذلك الأشياء الثمينة.

الصداقة في الله هي الحقيقة التي لا تزول

لكن فيه عيب او خطأ عند كثير من الناس فى مفهوم الصداقه ده وهو انهم يعرفون الحب و الصداقة من خلال مفهوم أناني

فالصديق بالنسبة إليهم يجب أن يكون رهن الإشارة في كل لحظة ؛ و يجب أن يكون مستعدا و جاهزا لتنفيذ رغباتهم في كل فرصة.و أما الصديق الحبيب ـ في مفهومهم فهو ذاك الشخص المستعد دائما للتضحية بكل غال و رخيص في سبيل إسعادهم ، و الذي يجب ان يكون كله جسما و شعورا مشاركا لهم في أفراحهم و اتراحهم و ألامهم.

قد لا يكون هذا التعريف خطئا و لكنه حتما ناقص , أو بالا حرى حبا و صداقة تحكمها الأنانية البحتهانه تعريف يتكلم عن جانب الأخذ ؛ و لا يتكلم عن جانب العطاء ؛ يتكلم عن الاستقبال ؛ ولا يتكلم عن الإرسال .

رغم ان العطاء هو أجمل و أروع ما في الحب .... و مافي الصداقة

انه اخذ و عطاء ؛ قول و عمل ؛ بذل و تضحية من الطرفين وليس من طرف واحد

مثال بسيط من الحياه اليوميه العاديه توضح لك اهميه انه لازم يكون من الطرفين مش من طرف واحد وهو

الم تر إلى الكفين كيف تغسل أحداهما الأخرى ؛ ولو ان أحداهما أبت ان تبادل أختها خدمتها في غسلها و اكتفت بتلقي مساعدتها دون تقديم أي عون لها ؛ فماذا نقول عنها؟

ماذا ستكون النتيجة نظافة ناقصة غير تامة

ان اليد التي اعتادت على تقبيل الناس لها . و لم تمتد يوما الى مساعدة او لمسة حب . هي يد متكبرة او كسولة . او أنانية ....و في جميع الحالات لا تستحق الحب او الصداقة

أخر يوم إمتحانات

2008-06-01T16:27:00.000-07:00

أخر يوم امتحانات

ياااااااااااااه تخيل بقى احساس ايه اللى بتحسه من خارج من اخر امتحان سواء حليت حلو حليت وحش مش هتفرق لان ده أخر يوم امتحانات.طيب تصور معايا ان ده أخر يوم لك فى الكلية يه الإحساس اللى ممكن تحسه

شويه احاسيس متلخبطه اكيد سعاده عشان خلصت امتحانات وخلاص خدت الأجازة

وحزن على اصحابك اللى مش هتشوفهم على طو كل يوم زى ما كنتم مع بعض فى الكلية وتحس بقى ان كله هينسى بعض وينشغل بنفسه وحياة جديده بقى اللى هيشتغل واللى هيتجوز واللى هيسافر واللى .................الخ.

المهم بقى ان اهم حاجه انك بتفكر ازاى تقضى اليوم ده من خروج واكل وانك مش عايز تسبهم اليوم ده اساسا عشان الوداع صعب

وافلام عربى بقى ووعود بقى اننا مش هنسيب بعض وعلى طول اتصالات ومش عارف ايه

بكره افكرك واقولك انك مش هتعمل اى حاجه من الوعود دى

بس بجد بتمنى ان كل الوعود دى تحصل انا عن نفسى هحاول مليون فى الميه عشان انا بحب اصحابى دول جدا ربنا يديمها صداقه واخلاص يارب.

كفايه كده عشان انا فعلا مخنوقه واحاسيس مختلفه اصل الفراق صعب اكيد

الإمتحانااااااااااااااااااااااات

2008-05-14T02:57:00.000-07:00

ازيكم كلكم وحشنى انى اكتب فعلا على الرغم من صغر المده اللى بدأت فيها

بس اعمل ايه بدأت امتحاناتى عملى وشفوى والتحريرى جاى مش تقلقوا خالص يوم 18/5

ادعولى بقى اخر سنه فى عالم الهندسه وجو الأمتحاناااااااااااااااااااااااااات

ربنا مع كل الناس اللى بتمتحن إن شاء الله

معلش هتأخر عليكم عشان الأمتحانااااااااااااااااات بقى

ما هو أكثر شيء مدهش في البشر؟

2008-04-21T20:13:00.000-07:00

كتبت د. نسرين نقلاً عن حكيم
———————-
توجهت إلى حكيم لأسأله عن شىء يحيرني
فسمعته ً يقول : “عن ماذا تريد أن تسأل؟”
قلت :”ما هو أكثر شيء مدهش في البشر؟”
فأجابني :”البشر! يملّون من الطفولة ، يسارعون ليكبروا ، ثم يتوقون ليعودوا أطفالاً ثانيةً”
” يضيّعون صحتهم ليجمعوا المال ،ثم يصرفون المال ليستعيدوا الصحة”
” يفكرون بالمستقبل بقلق ، وينسَون الحاضر، فلا يعيشون الحاضر ولا المستقبل”
” يعيشون كما لو أنهم لن يموتوا أبداً ، و يموتون كما لو أنهم لم يعيشوا أبداً”
مرّت لحظات صمت ….
ثم سألت :”ما هي دروس الحياة التي على البشر أن يتعلّموها؟”
فأجابني:
“ليتعلّموا أنهم لا يستطيعون جَعل أحدٍٍ يحبهم،كل ما يستطيعون فعله هو جَعل أنفسهم محبوبين”
“ليتعلموا ألاّ يقارنوا أنفسهم مع الآخرين ”
“ليتعلموا التسامح ويجرّبوا الغفران ”
” ليتعلموا أنهم قد يسبّبون جروحاً عميقةً لمن يحبون في بضع دقائق فقط، لكن قد يحتاجون لمداواتهم سنوات ٍطويلة ”
” ليتعلموا أن الإنسان الأغنى ليس من يملك الأكثر، بل هو من يحتاج الأقل”
” ليتعلموا أن هناك أشخاص يحبونهم جداً ولكنهم لم يتعلموا كيف يظهروا أو يعبروا عن شعورهم”
” ليتعلموا أن شخصين يمكن أن ينظرا إلى نفس الشيء و يَرَيَانِه بشكلٍ مختلف”
“ليتعلموا أنه لا يكفي أن يسامح أحدهم الآخر، لكن عليهم أن يسامحوا أنفسهم أيضاً”

منقوووووووووووووول

فكر معايا جايز تلاقى إجابه لسؤالى

2008-04-17T16:26:00.000-07:00

ليه لما تقرب من حد قوى وتعتبره صديق او شخص غالى عليك يبعد هو ومش يفكر فيك؟
ليه لما بتعامل الناس باسلوب معين وانت حابب ان الناس تعاملك زى ما انت بتعاملهم مش بتلاقى ده؟
ليه ساعات بتحس بالغربة وانت ما بين اصحابك او بمعنى اصح مش لاقى نفسك؟
ليه ممكن تحس انك ندمان على انك كلمت صديقتك واعتذرتى لها عشان تحافظى على الصداقه دى؟
كفايه كده أسئله ياريت اشوف اجابتكم وممكن أسئله تانيه تتسأل عادى يعنى
وانا برضو هحاول اجاوب معاكم مش هسأل وهسيبكم يعنى

ألم تصدقى...؟!

2008-04-17T08:41:00.000-07:00

هكتب خاطره من خواطرى وياريت اعرف رأيكم فيها

وبعد كده هنحكى مع بعض كتير قوى خاطره بعنوان ألم تصدقى ...؟!

كتبتها لاغلى صديقه ليا كنت بتمنى انها تصدق مشاعرى وتصدق انى فعلا بحبها وبخاف عليها

كنت اتمنى ساعتها بأنها مش تكون محتاجه كلام مكتوب عشان تصدق

كنت اتمنى من اللى انا بعمله عشانها تصدق لوحدها بس برضو لازم تقول وتكتب

يلا كفايه رغى بقى اكتب الخاطره بتقول ايه

ألم تصدقى...؟!

لاتسألينى إن كنت لازلت أهواكِ

كفاكِ أن تشهدى ما تقوله عيناى حين أراكِ

فكيف لقلبى أن يغفل عن ذكراكِ

فأنا سأهجره إن حاول يوماَ ينساكِ

فما سمع نداكِ إلا وطار ملبياَ لنداكِ

فلو كان يحب سواكِ ما صبر على جفاكِ

فأنتِ دنياى ومسكنى عيناكِ

ألجأ إليكِ إذا ضاق صبرى

لأنسى الدنيا إلا هواكِ

مرحبا بكم

2008-04-17T08:31:00.000-07:00

السلام عليكم

دى اول مرة اكتب حاجه فى المدونه
واتمنى انى ما اكتبه ينول رضاكم إن شاء الله